ಕೆಲಸ ಕೊಡಿಸುವ ನೆಪದಲ್ಲಿ ಸೆಕ್ಸ್, ವಿಡಿಯೋ ಮಾಡಿ ಬ್ಲಾಕ್ ಮೇಲ್ - ಆರೋಪಿ ಬಂಧನ

ಬೆಂಗಳೂರು:  ‘ಮ್ಯಾನೇಜರ್’  ಮತ್ತು ‘ಮೋನಿಕಾ’ ಎಂಬ ನಕಲಿ ಹೆಸರು  ಬಳಸಿಕೊಂಡು ಸಾಮಾಜಿಕ ಜಾಲತಾಣಗಳಲ್ಲಿ ಮಹಿಳೆಯಂತೆ ನಟಿಸುತ್ತಿದ್ದ ದಿಲೀಪ್ ಪ್ರಸಾದ್ (28) ಎಂಬಾತ 13 ಮಹಿಳೆಯರನ್ನು ವಂಚಿಸಿ ಐಟಿ ವಲಯದಲ್ಲಿ ಕೆಲಸ ಕೊಡಿಸುವ ನೆಪದಲ್ಲಿ ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ.

ಪ್ರಸಾದ್ ಎಂಬ ಟೆಕ್ಕಿ ಇನ್ಸ್ಟಾಗ್ರಾಮ್ ಮೂಲಕ ಮಹಿಳೆಯರೊಂದಿಗೆ ಸ್ನೇಹ ಬೆಳೆಸುತ್ತಿದ್ದ ಮತ್ತು ದುರ್ಬಲರು, ನಿರುದ್ಯೋಗಿಗಳು ಮತ್ತು ಹತಾಶವಾಗಿ ಕೆಲಸ ಹುಡುಕುತ್ತಿರುವವರನ್ನು ಗುರಿಯಾಗಿಸಿಕೊಂಡಿದ್ದ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. 'ಮೋನಿಕಾ' ಅಥವಾ 'ಮ್ಯಾನೇಜರ್' ಎಂದು ಪೋಸ್ ನೀಡುತ್ತಾ, ಮಹಿಳೆಯರನ್ನು ತನ್ನ ಬಲೆಗೆ ಬೀಳಿಸುತ್ತಿದ್ದ. ಮೋನಿಕಾ ಹೆಸರಿನ ಐಡಿ ಮೂಲಕ, ಮಹಿಳೆಯರಿಗೆ ಉತ್ತಮ ಸಂಬಳ ಇರುವ  ಐಟಿ ಉದ್ಯೋಗ ಬೇಕಿದ್ದಲ್ಲಿ, ದಿಲೀಪ್ ನನ್ನ ಭೇಟಿಯಾಗಿ  ಸಹಾಯವನ್ನು ಪಡೆಯಲು ಸಲಹೆ ನೀಡುತ್ತಿದ್ದ. 

ಭೇಟಿಯಾದ ಮಹಿಳೆಯರಿಗೆ ಹೋಟೆಲ್ ಕೊಠಡಿಗಳಲ್ಲಿ ತನ್ನೊಂದಿಗೆ ಲೈಂಗಿಕ ಸಂಭೋಗವನ್ನು ಹೊಂದಲು ಪ್ರೇರೇಪಿಸಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಅಷ್ಟಕ್ಕೇ ನಿಲ್ಲದ ಆತ ವೈಯಕ್ತಿಕ ಎಲೆಕ್ಟ್ರಾನಿಕ್ ಸಾಧನಗಳನ್ನು ಬಳಸಿ ಕೃತ್ಯವನ್ನು ಚಿತ್ರೀಕರಿಸಿ ಮತ್ತೆ ಭೇಟಿಯಾಗುವಂತೆ ಬ್ಲ್ಯಾಕ್ ಮೇಲ್ ಮಾಡಿದ್ದ. "ಅವನು ಒಳ್ಳೆಯ ಉದ್ಯೋಗದಲ್ಲಿದ್ದು, ಚೆನ್ನಾಗಿ ಸಂಪಾದಿಸುತ್ತಿದ್ದನು, ಆದರೆ ಇದು ಅವನಿಗೆ ಹಣದ ಅಸೆ ಇರಲಿಲ್ಲ. ಪ್ರಸಾದ್ ಈ ರೀತಿಯ ನಡವಳಿಕೆಗೆ ವ್ಯಸನಿಯಾಗಿದ್ದನಂತೆ" ಎಂದು (ಆಗ್ನೇಯ) ಡಿಸಿಪಿ ಸಿಕೆ ಬಾಬಾ ಹೇಳಿದರು. ಪ್ರಸಾದ್  ಆಂಧ್ರಪ್ರದೇಶದವನಾಗಿದ್ದು, ಕೆಲಸ ಮಾಡುತ್ತಿದ್ದನು. ಗುರುವಾರ ಐಪಿಸಿ ಸೆಕ್ಷನ್ 376 ಮತ್ತು ಐಟಿ ಕಾಯ್ದೆ 2000 ರ ಅಡಿಯಲ್ಲಿ ಬಂಧಿಸಲಾಗಿದೆ. 

ಅವರ ಬಲಿಪಶುಗಳಲ್ಲಿ ಒಬ್ಬರು ಸೈಬರ್ ಕ್ರೈಮ್ ಸೆಲ್ ಅನ್ನು ಸಂಪರ್ಕಿಸಿದರು ಮತ್ತು ಜನವರಿ 26 ರಂದು ದೂರು ದಾಖಲಿಸಿದರು. ಕೋವಿಡ್ -19 ಲಾಕ್‌ಡೌನ್ ಸಮಯದಲ್ಲಿ ಉದ್ಯೋಗಕ್ಕಾಗಿ ಲೈಂಗಿಕ ಹಗರಣ ಪ್ರಾರಂಭಿಸಿದೆ ಎಂದು ಪ್ರಸಾದ್ ತನಿಖಾ ಅಧಿಕಾರಿಗಳಿಗೆ ತಿಳಿಸಿದ್ದಾರೆ ಎಂದು ಹೇಳಲಾಗುತ್ತದೆ. ಆದರೆ ಅವರು ಅಭ್ಯಾಸದ ಅಪರಾಧಿ ಎಂದು ನಂಬಲು ಪೊಲೀಸರಿಗೆ ಕಾರಣವಿದೆ, ಬಹುಶಃ ಅವನ ಕಾಲೇಜು ದಿನಗಳಿಂದಲೂ ಇದೇ ರೀತಿಯ ಕೆಲಸಗಳನ್ನು ಮಾಡುತ್ತಿದ್ದ ಎಂದು ಪೊಲೀಸರು ಶಂಕಿಸಿದ್ದಾರೆ. 

"ಒಬ್ಬಳು ಶೋಷಿತಳಾದರು ನಮ್ಮ ಬಳಿಗೆ ಬಂದಿರುವುದು ನಮಗೆ ಸಂತೋಷವಾಗಿದೆ. ಸಾಮಾಜಿಕ ವಿರೋಧಾಭಾಸಗಳನ್ನು ಎದುರಿಸಲು ಮತ್ತು ಪೊಲೀಸರನ್ನು ನಂಬಲು ಅವಳು ಧೈರ್ಯಶಾಲಿಯಾಗಿದ್ದಾಳೆ. ಮಹಿಳೆಯರು ತಮ್ಮ ಮೇಲೆ ಪರಿಣಾಮ ಬೀರುವ ಯಾವುದೇ ಅಪರಾಧಕ್ಕಾಗಿ ಪೊಲೀಸರನ್ನು ಸಂಪರ್ಕಿಸುವ ಬಗ್ಗೆ ವಿಶ್ವಾಸ ಹೊಂದಬೇಕೆಂದು ನಾವು ಬಯಸುತ್ತೇವೆ. ನಾವು ಇಂತಹ ಕೇಸುಗಳನ್ನು ಭೇಧಿಸಲು ನಮ್ಮ ಕೈಲಾದಷ್ಟು ಪ್ರಯತ್ನಿಸುತ್ತೇವೆ." ಎಂದು ಡಿಸಿಪಿ ಬಾಬಾ ಸೇರಿಸಿದರು.