ಇಸ್ಲಾಂ ತೊರೆದವರ ಸಹಾಯಕ್ಕೆ ಪ್ರಾರಂಭವಾಯಿತು "ಮಾಜಿ ಮುಸ್ಲಿಂ" ಗ್ರೂಪ್

ಕೇರಳದ ಮಾಜಿ ಮುಸ್ಲಿಮರು, ಇಸ್ಲಾಂ ತೊರೆಯಲು ಬಯಸುವ ಮುಸ್ಲಿಂರಿಗೆ,  ಬೆಂಬಲದ ಹಸ್ತವನ್ನು ನೀಡುವ ಗುರಿಯನ್ನು ಹೊಂದಿದ್ದಾರೆ. ಅವರು ಇದಕ್ಕಾಗಿ ಫೇಸ್ ಬುಕ್ ನಲ್ಲಿ ಈಗಾಗಲೇ ಗ್ರೂಪ್ ಒಂದನ್ನು ರಚಿಸಿದ್ದು, ಇದರ ಮೂಲಕ ತಮ್ಮ ಮನೆಯಲ್ಲಿ ಧರ್ಮವನ್ನು ತೊರೆಯುವ ನಿರ್ಧಾರವನ್ನು ಪ್ರಸ್ತುತಪಡಿಸಲು ಬಯಸುವವರಿಗೆ ಅವರು ಸಲಹೆ ನೀಡುತ್ತಾರೆ.

ಸಂಸ್ಥಾಪಕ ಸದಸ್ಯರಲ್ಲಿ ಒಬ್ಬರಾದ ಆರಿಫ್ ಹುಸೇನ್ ಅವರು ಭಾರತದ ಧರ್ಮೇತರ ನಾಗರಿಕರ ಗುಂಪಿನ ಅಧ್ಯಕ್ಷರೂ ಆಗಿದ್ದಾರೆ, “ಧರ್ಮವನ್ನು ಬಿಡುವುದು ಸಾಮಾನ್ಯವಲ್ಲ. ಆದರೆ ಇಸ್ಲಾಂನಲ್ಲಿ, ಅನೇಕ ಜನರು ಅದರಿಂದ ಕೆಟ್ಟದಾಗಿ ಪ್ರಭಾವಿತರಾಗಿದ್ದಾರೆ - ಇದು ಆಸ್ತಿ ಹಕ್ಕುಗಳು, ಕುಟುಂಬ ಸಂಬಂಧಗಳ ಮೇಲೆ ಪರಿಣಾಮ ಬೀರಬಹುದು ಮತ್ತು ನಿಮ್ಮ ಮದುವೆಯೂ ಸಹ ಕೊನೆಗೊಳ್ಳಬಹುದು" ಎಂದು ಆರಿಫ್ ಹೇಳುತ್ತಾರೆ.

ಆರಿಫ್ ಹುಸೇನ್ ಧರ್ಮವನ್ನು ತೊರೆದಾಗ ಅವನ ಸಾಂಸಾರಿಕ ಜೀವನವು ತೊಂದರೆಯನ್ನು ಎದುರಿಸಿತು. “ಗಂಡ ಹೆಂಡತಿ ಮಧ್ಯೆ ಒಬ್ಬರು ಧರ್ಮವನ್ನು ಬಿಡಲು ಯೋಚಿಸಿದರೆ, ಅದೇ ಸಮುದಾಯದ ಯಾರೊಂದಿಗಾದರೂ ಅವರ ವಿವಾಹವು ಮುಗಿದಿದೆ ಎಂದು ಇಸ್ಲಾಮಿಕ್ ಕಾನೂನು ಹೇಳುತ್ತದೆ. ಅದರ ನಂತರ ಪಾಲುದಾರನೊಂದಿಗಿನ ಯಾವುದೇ ಸಂಬಂಧವನ್ನು ವ್ಯಭಿಚಾರ ಎಂದು ಪರಿಗಣಿಸಲಾಗುತ್ತದೆ" ಎಂದು ಆರಿಫ್ ಹೇಳುತ್ತಾರೆ. ತಾನು ಪ್ರಾರಂಭಿಸಿದ ಗುಂಪಿನ ಸಹಾಯವನ್ನು ಕೋರಿದ ಅನೇಕ ಜನರು ಇದೇ ರೀತಿಯ ಅಥವಾ ಕೆಟ್ಟ ಸಮಸ್ಯೆಗಳನ್ನು ಎದುರಿಸಿದವರಾಗಿದ್ದರು. ಅವರಲ್ಲಿ ಹಲವರು ಮಹಿಳೆಯರು. “ನಮ್ಮಲ್ಲಿ ಸಾಕಷ್ಟು ಸ್ತ್ರೀದ್ವೇಷವಿದೆ. ಅನೇಕ ಮಹಿಳೆಯರು ತಮ್ಮ ಶಿಕ್ಷಣ ಮತ್ತು ಕೆಲಸದ ಹಕ್ಕುಗಳಿಗಾಗಿ ಹೋರಾಡುತ್ತಾರೆ. ಇತರ ದೇಶಗಳಲ್ಲಿ ಇದು ತುಂಬಾ ಕೆಟ್ಟದಾಗಿದೆ, ಇದು ತಾಲಿಬಾನ್ ಆಳ್ವಿಕೆಯ ಸ್ಥಳಗಳಲ್ಲಿ ನೀವು ನೋಡುತ್ತೀರಿ” ಆರಿಫ್ ಹೇಳುತ್ತಾರೆ.

2018 ರಲ್ಲೇ ಈ ಗ್ರೂಪ್ ಪ್ರಾರಂಭವಾದರೂ, 2021 ರ ಅಂತ್ಯದ ವೇಳೆಗೆ ಅಧಿಕ್ರತವಾಗಿ "ಕೇರಳದ ಮಾಜಿ ಮುಸ್ಲಿಮರು" ಗ್ರೂಪ್ ರಚಿಸಿದರು ಮತ್ತು ಜನವರಿ 9, 2022 ರಂದು ತಮ್ಮ ಸಂಸ್ಥಾಪನಾ ದಿನವನ್ನು ಘೋಷಿಸಿದ್ದಾರೆ. ಈ ಗುಂಪನ್ನು ಆರಿಫ್ ಮತ್ತು ಲಿಯಾಕ್ಕತಲಿ ಸಿಎಮ್ (ಅಧ್ಯಕ್ಷರು) ಸ್ಥಾಪಿಸಿದರು. ಕೋರ್ ಸದಸ್ಯರು ಜಝ್ಲಾ ಮಾಡಸ್ಸೆರಿ (ಉಪಾಧ್ಯಕ್ಷರು), ಸಫಿಯಾ ಪಿಎಂ (ಪ್ರಧಾನ ಕಾರ್ಯದರ್ಶಿ), ಫೈಸಲ್ ಸಿಕೆ (ಜಂಟಿ ಕಾರ್ಯದರ್ಶಿ), ದಿಲೀಪ್ ಇಸ್ಮಾಯೆಲ್ (ಕಾನೂನು ಸಲಹೆಗಾರ), ಆಯ್ಷಾ ಮಾರ್ಕರ್‌ಹೌಸ್ (ಖಜಾಂಚಿ) ಮತ್ತು ಇತರರು ಈ ಗ್ರೂಪಿನಲ್ಲಿದ್ದಾರೆ.