ನೀವು ಪ್ರತಿದಿನ ಟಿವಿ ವೀಕ್ಷಿಸಲು ಗಮನಾರ್ಹ ಸಮಯವನ್ನು ಕಳೆಯುವ ವ್ಯಕ್ತಿಯಾಗಿದ್ದಾರೆ, ನೀವು ಹೃದಯ ಕಾಯಿಲೆಯಿಂದ ಬಳಲುವ ಹೆಚ್ಚಿನ ಅಪಾಯವನ್ನು ಹೊಂದಿರಬಹುದು. ಹೊಸ ಅಧ್ಯಯನದ ಪ್ರಕಾರ, ಜನರು ದೂರದರ್ಶನವನ್ನು ವೀಕ್ಷಿಸುವ ಅವಧಿಯನ್ನು ದಿನಕ್ಕೆ ಒಂದು ಗಂಟೆಗಿಂತ ಕಡಿಮೆಗೊಳಿಸಿದರೆ ಪರಿಧಮನಿಯ ಹೃದಯ ಕಾಯಿಲೆಯ ಸುಮಾರು 11 ಪ್ರತಿಶತ ಪ್ರಕರಣಗಳನ್ನು ತಡೆಯಬಹುದು.
"ಆನುವಂಶಿಕ ಸಂವೇದನೆ ಮತ್ತು ಸಾಂಪ್ರದಾಯಿಕ ಅಪಾಯದ ಗುರುತುಗಳನ್ನು ಲೆಕ್ಕಿಸದೆ, ಪರಿಧಮನಿಯ ಹೃದಯ ಕಾಯಿಲೆಯ ತಡೆಗಟ್ಟುವಿಕೆಗೆ ಟಿವಿ ನೋಡುವ ಸಮಯವನ್ನು ಕಡಿಮೆ ಮಾಡುವುದು ಒಂದು ಪ್ರಮುಖ ನಡವಳಿಕೆಯ ಗುರಿಯಾಗಿ ಗುರುತಿಸಲ್ಪಡಬೇಕು" ಎಂದು ಹಾಂಗ್ ಕಾಂಗ್ ವಿಶ್ವವಿದ್ಯಾಲಯದ ಸಹಾಯಕ ಪ್ರಾಧ್ಯಾಪಕ ಮತ್ತು ಸಂಶೋಧನೆಯ ಲೇಖಕ ಡಾ.ಯಂಗ್ವಾನ್ ಕಿಮ್ ಪತ್ರಿಕೆಯೊಂದಕ್ಕೆ ತಿಳಿಸಿದ್ದಾರೆ.
ಕಿಮ್ ಮತ್ತು ಅವರ ತಂಡವು ಟಿವಿಗೂ ಹೃದಯ ರೋಗಕ್ಕೂ ಏನು ಸಂಬಂಧ ಎಂದು ವಿಶ್ಲೇಷಿಲ್ಲ, ಆದರೆ ಹಿಂದಿನ ಅಧ್ಯಯನಗಳು, ಹೆಚ್ಚಿನ ದೂರದರ್ಶನ ವೀಕ್ಷಣೆ ಅವಧಿಯು, ದೇಹದಲ್ಲಿನ ಗ್ಲೂಕೋಸ್ ಮತ್ತು ಕೊಲೆಸ್ಟ್ರಾಲ್ನ ಪ್ರತಿಕೂಲ ಮಟ್ಟಗಳೊಂದಿಗೆ ನಡುವಿನ ಸಂಬಂಧವನ್ನು ಹೊಂದಿದೆ ಎಂದು ಅವರು ಹೇಳಿದರು.
ಟೆಲಿವಿಷನ್ ವೀಕ್ಷಿಸುವ ಪ್ರಮಾಣ ಹೆಚ್ಚಾದಷ್ಟು ಪರಿಧಮನಿಯ ಹೃದಯ ಕಾಯಿಲೆ ಬರುವ ಅಪಾಯ ಹೆಚ್ಚುತ್ತದೆ ಎಂದು ಅಧ್ಯಯನವು ಸೂಚಿಸಿದೆ. ಪರಿಧಮನಿಯ ಹೃದಯ ಕಾಯಿಲೆಯ ಸಾಮಾನ್ಯ ಅಪಾಯವನ್ನು ಪ್ರತಿ ಭಾಗವಹಿಸುವವರಿಗೆ ಗಣನೆಗೆ ತೆಗೆದುಕೊಂಡ ನಂತರ ಮತ್ತು ವಯಸ್ಸು, ಲಿಂಗ, ಧೂಮಪಾನದ ಅಭ್ಯಾಸಗಳು, ಆಹಾರ, ಬಾಡಿ ಮಾಸ್ ಇಂಡೆಕ್ಸ್ ಮತ್ತು ದೈಹಿಕ ಚಟುವಟಿಕೆಯಂತಹ ಹಲವಾರು ಅಂಶಗಳನ್ನು ಒಳಗೊಂಡಂತೆ ತಂಡವು ಹೀಗೆ ಸಲಹೆ ನೀಡಿದೆ.
ದಿನಕ್ಕೆ ಒಂದು ಗಂಟೆ ಅಥವಾ ಅದಕ್ಕಿಂತ ಕಡಿಮೆ ಕಾಲ ಟಿವಿ ನೋಡುವ ಜನರು, ನಾಲ್ಕು ಅಥವಾ ಅದಕ್ಕಿಂತ ಹೆಚ್ಚು ಗಂಟೆಗಳ ಕಾಲ ವೀಕ್ಷಿಸುವವರಿಗಿಂತ ಹೃದಯ ಕಾಯಿಲೆಯ ಅಪಾಯವು 16% ಕಡಿಮೆ ಎಂದು ಅಧ್ಯಯನವು ಗಮನಿಸಿದೆ. ಮತ್ತು, ದಿನಕ್ಕೆ ಎರಡರಿಂದ ಮೂರು ಗಂಟೆಗಳ ಕಾಲ ದೂರದರ್ಶನವನ್ನು ನೋಡುವವರಲ್ಲಿ, ಅಪಾಯವು ಶೇಕಡಾ 6 ರಷ್ಟು ಕಡಿಮೆಯಾಗಿದೆ.
ಪರಿಧಮನಿಯ ಹೃದಯ ಕಾಯಿಲೆಯ ಅಪಾಯ ಮತ್ತು ಬಿಡುವಿನ ವೇಳೆಯಲ್ಲಿ ಕಂಪ್ಯೂಟರ್ ಬಳಕೆಯ ನಡುವೆ ಯಾವುದೇ ಸಂಬಂಧವನ್ನು ಸಂಶೋಧಕರು ಕಂಡುಕೊಂಡಿಲ್ಲ.